घुमा दे म्हारा बालाजी घमड-घमड गोटो।
अरे घमड घमड गोटो बाला पैरे लाल लंगोटो।।
घुमा दे म्हारा……………
(1) राम चद्र का पायक बाला नाम थारो मोटो।
बिन बादल बरसात करे समय बदलता खोटो।।
घुमा दे म्हारा…
(2) लाल लंगोटा पैरे बाला हाथ राखे गोटो।
घुड मुगं रा भोग लगावा बाजरिया रो रोटो।।
घुमा दे म्हारा…………….
(3) आजा रे बजरंगी थे उचालो थारो गोटो।
दुखियारो दुख दुर कर यो टारे घर रो टोटो।।
घुमा दे म्हारा…………….
(4) लक्ष्मण जी के शक्ति लागी लायो पर्वत मोटो।
लंका माही आग लगाई घुमा घुमा कर गोटो।।
घुमा दे म्हारा…………….
(5) सालासर में धाम बणीयो, मन्दिर बणियो मोटो।
मेंहन्दीपुर मे काढ डाकना, घुमा-घुमा कर गोटो।।
घुमा दे म्हारा…………….
(6) तुलसी दास आशा रघुवर कि हरि चरणा गुण गोटो।
बालक री सहाय करजो दास थारो छोटो।।
घुमा दे म्हारा…………….
भजन भंडार
