सतगुरु सा माने प्रेम प्यालो पायो सा
महाने कर मनवार पिलायो सा,
सतगुरु जी माने प्रेम प्यालो पायो सा
अड़सठ तीर्थ मारे गुरु जी रा चरणा में,
माने गीता जी रो ज्ञान सुनायो सा। १।
सतगुरु सा माने प्रेम प्यालो पायो सा………..
कुटुंब कबीला मारा सब जग झूठा सा,
माने सत गुरूसा आय समझाया सा। २।
सतगुरु सा माने प्रेम प्यालो पायो सा……….
असंग जुगा री मारी नींद ने उड़ाई सा,
माने सुतोडा ने आय जगाया सा। ३।
सतगुरु सा माने प्रेम प्यालो पायो सा………..
आउ नहीं जाऊ जग में मरू नहीं जन्मु सा,
माने अमरापुर रो मार्ग यो बतायो सा। ४।
सतगुरु सा माने प्रेम प्यालो पायो सा………..
देवी रे नाथ माने सतगुरु मिलिया सा,
ये तो राजा रे मान जस गायो सा। ५।
सतगुरु सा माने प्रेम प्यालो पायो सा………..
भजन भंडार
