तर्ज – घूमर……….
जल भरु के डूब मर जाऊ ए माय, नरसी मेहता री लाडली।।
1. नही छे मारे माय मोसारो, हो माने धीरज कौन बंधावे ए माय,
नरसी मेहता री लाडली……….
2. नही छे मारे जनम रो माता, हो माने हिवड़े सु कौन लगावे ए माय,
नरसी मेहता री लाडली……….
3. नही छे मारे जामण जायो वीरो, हो माने चूंदड़ कौन ओढावे ए माय,
नरसी मेहता री लाडली……….
4. देराणी दारी देवे माने गारी, हो मारे नणंदल राड लगावे ए माय,
नरसी मेहता री लाडली……….
5. सासु खोटी नही देवे रोटी, हो बाबुल माने दुखड़ा में परणाई ए माय,
नरसी मेहता री लाडली……….
6. कहे नानी बाई सुनो सांवरिया, हो मारो सावरियो वीरो रखवालो ए माय,
नरसी मेहता री लाडली……….
