जावा दो सहेलिया माने,
शिवजी जी लड़ेला रे,
शिवजी लड़ेला,
भोलेनाथ लड़ेला रे,
जावा दो सहेलिया माने।।
नांदियो में बाँध आयी,
रजको में दाल आयी
सवारी री वेला,
शिवजी याद करेला ए।।१।।
जावा दो सहेलिया माने……..
भोजन बणार आई,
थाल मे परुस आई,
जिमवा रि वेला,
शिवजी याद करेला रे।।२ ।।
जावा दो सहेलिया माने……..
भांग तो में भी जोर आई,
कुमंडल में छान आई,
पीवण री वेला,
शिवजी या याद करेला रे।।३ ।।
जावा दो सहेलिया माने……..
गोटवा में हरी हरी,
छानवा में पिली-पीली,
अरे पीदा पछे कस्यो रंग,
प्रकट तो करेगा रे।।४ ।।
जावा दो सहेलिया माने……..
धूणी सिलगायी आई,
आसन बिछार आई,
धूणी पर बैठा-बैठा माने,
याद तो करेगा रे।।५ ।।
जावा दो सहेलिया माने……..
ढोलियो में ढाल आई,
सेजां बिछार आई,
ऐ जी पोढ़वा री वेला,
शिवजी याद करेगा रे।।६ ।।
जावा दो सहेलिया माने……..
पार्वती केवे सहेल्या,
सुनलो नई बात मारी,
शिवजी की कृपा सु आई,
फेर तो मिलाला रे।।७।।
जावा दो सहेलिया माने……..
भजन भंडार
