चम-चम चमके चुंदड़ी,
महाराणी ओ -२,
मैया कर सोलह सिंगार,
दुर्गे राणी ओ-२।।
माथे पे मेमद सोवनी,
महारानी ओ-२,
थारी रखड़ी रतन जड़या,
अम्बे रानी ओ।।
चम-चम चमके चुंदड़ी महाराणी…….
काना में कुण्डल सोवणो,
महारानी ओ-२,
थारी नथड़ी फणकादार,
अम्बे राणी ओ-२।।
चम-चम चमके चुंदड़ी महाराणी…….
हाथा में बाजूबंद सोवणो,
महारानी ओ-२,
थारा गला में नवसर हार,
अम्बे रानी ओ-२।।
चम-चम चमके चुंदड़ी महाराणी…….
हाथा में चुड़लो सोवणो,
महारानी ओ-२,
थारा बिंदिया नवेली नाड,
अम्बे रानी ओ-२।।
चम-चम चमके चुंदड़ी महाराणी…….
घेर घुमारो घाघरो,
महारानी ओ-२,
थारे ओढण ढिकणी रो चीर,
अम्बे रानी ओ-२।।
चम-चम चमके चुंदड़ी महाराणी…….
पगल्या री पायल बाजणी,
महारानी ओ-२,
थारे बिछिया री झणकार,
अम्बे रानी ओ-२।।
चम-चम चमके चुंदड़ी महाराणी…….
